ریاست آسام میں برہمپُتر ندی میں دو مشین بوٹس ٹکراگئیں جس کے سبب اس میں سوار کئی افراد لاپتہ ہوگئے ہیں۔ یہ واقعہ اس وقت پیش آیا جب ماجولی سے جورہاٹ کے نیماتی گھاٹ جارہی ایک کشتی نیماتی گھاٹ سے ماجولی آنے والی دوسری کشتی سے ٹکرا گئی۔
آسام: برہم پُتر ندی میں دو کشتیاں آپس میں ٹکرائیں، متعدد مسافر لاپتہ
فی الحال 20 افراد کو بچایا گیا ہے جب کہ دیگر کی تلاش جاری ہے۔
دریا کے کنارے موجود لوگوں کا کہنا تھا کہ دونوں مشین بوٹس مردوں، خواتین اور بچوں سمیت 100 سے زائد مسافروں کو لے جارہی تھیں۔ مشین بوٹس میں مسافروں کے علاوہ کچھ فور وہیلر اور ٹو وہیلر سواریاں تھیں۔
اِن لینڈ واٹر ٹرانسپورٹ حکام کے پاس لاپتہ مسافروں کے بارے میں کوئی ڈاٹا نہیں ہے۔ انہوں نے صرف اتنا کہا کہ واقعہ کی اطلاع ملنے پر انہوں نے دریا میں گرنے والے لوگوں کو بچانے کے لیے ریسکیو آپریشن شروع کردیا ہے۔
