خوئی میں ہوئی ماب لنچنگ پر بات کرتے ہوئے تفتیشی افسر ایس سی جماتیا نے بتایا کہ ملزم کو شمالی مہارانی پور اے ڈی سی گاؤں میں واقع اس کی رہائش گاہ سے گرفتار کیا گیا ہے جہاں یہ واقعہ پیش آیا تھا۔
mob lynching
پولیس افسر نے معاملے کی مؤثر تفتیش کے لئے مزید کچھ بتانے سے انکار کردیا، ماب لنچنگ کا واقعہ شمالی مہارانی پور گاؤں میں اس وقت پیش آیا جب مویشی چوری کے شک میں مشتعل ہجوم نے تین افراد کو لاٹھی ڈنڈے سے پیٹ پیٹ کر ہلاک کردیا۔
حادثہ کے دوران منگیاکامی علاقے تک ان کا تعاقب کرکے بے رحمی سے پیٹا گیا۔ اس واقعہ میں ہلاک ہونے والوں کی شناخت زید حسین (28) ، بلال میاں (30) اور سیف الاسلام (18) کے طور پر کی گئی ہے۔
اس سلسلے میں پولیس نے کارروائی کرتے ہوئے آئی پی سی سیکشن 342، 307، 325 اور 34 کے تحت مقدمہ درج کیا ہے۔
