ریاست میں لگاتار تین دن سے کورونا وائرس سے مریضوں کی ہلاکت کے معاملےپیش آ رہے ہیں۔
آج صبح گوہاٹی میڈیکل کالج و اسپتال کے آئی سی یو میں داخل دو مریضوں کی موت ہوگئی۔
ریاستی وزیر صحت ہمنت وشوا شرما نے ٹویٹ کرکے اس کی تصدیق کی ہے۔
انہوں نے بتایا کہ جی ایم سی ایچ کے آئی سی یو میں داخل گوہاٹی کے بیل ٹولہ کے باشندے پرسن کمار ہلوئی (70) اورکاربی اآنگلونگ کے باشندے رام سنگھ ہانسے (56) کا آج صبح انتقال ہوگیا۔
مزید پڑھیں:مغربی بنگال: 17علاقوں میں از سر نو لاک ڈاؤن
دونوں وینٹیلیشن پر تھے۔
اس سے قبل بدھ کے روز کورونا کی وجہ سے 6 افراد ہلاک ہوگئے تھے۔
جب کہ اس سے ایک دن قبل دو افراد کی موت ہوگئی تھی۔
ریاست میں اب تک 14032 افراد کورونا سے متاثر ہوچکے ہیں، جن میں سے 8726 صحت یاب ہوئے ہیں۔
