راجیہ سبھا انتخابات میں وائی ایس آر کانگریس کی شاندار کامیابی

راجیہ سبھا انتخابات میں حکمراں وائی ایس آر کانگریس نے شاندار کامیابی درج کی ہے اور سبھی چار نشستوں پر قبضہ کرلیا ہے۔

اطلاعات کے مطابق راجیہ سبھا انتخابات میں وائی ایس آر کانگریس کے 4 امیدوار نائب وزیراعلیٰ پی سبھاش چندر بوس، وزیر موپی دیوی وینکٹ رامنا، صنعتکار پریمل ناتھوانی اور ریٹیلر ایودھیا رامی ریڈی نے شاندار کامیابی حاصل کی۔ وائی ایس آر کے ہر امیدوار کو 38 ووٹ حاصل ہوئے۔

اپوزیشن کی تلگودیشم پارٹی نے مناسب تعداد نہ ہونے کے باوجود انتخابات میں مقابلہ کیا تھا جسے بری طرح شکست سے دوچار ہونا پڑا، اس کے نامزد امیدوار ورلا رامیا کو صرف 17 ووٹ حاصل ہوئے جبکہ پارٹی کی کل عددی طاقت 23 ہے۔