امراوتی میں ریاست آندھرا پردیش کے وزیر اعلی وائی ایس جگن موہن ریڈی کے ساتھ ہوئی ٹالی ووڈ ستاروں کی ملاقات کے بعد وزیر اعلی نے ریاست میں فلموں کی شوٹنگ دوبارہ شروع کرنے کی اجازت دے دی۔ اس وفد میں شامل تلگو اسٹار چرنجیوی اور ناگ ارجن نے بھی وزیر اعلی کا شکریہ ادا کیا۔
چرنجیوی اور ناگ ارجن سمیت ٹالی ووڈ کے بڑے ستاروں نے منگل کے روز وزیراعلی وائی ایس جگن موہن ریڈی کا شکریہ ادا کیا، کیوں کہ آندھرا پردیش حکومت نے ریاست میں فلموں کی شوٹنگ دوبارہ شروع کرنے کی اجازت دے دی ہے۔
وزیراعلی سے میٹنگ میں 'باہوبلی' کے ہدایت کار ایس ایس راجامولی، پروڈیوسر ڈی سریش بابو، سی کلیان، دامودر پرساد اور دیگر سمیت تلگو فلم انڈسٹری کی بڑی بڑی شخصیات نے کووڈ 19 لاک ڈاؤن کی وجہ سے انڈسٹری کو درپیش مسائل کے بارے میں وزیراعلی سے ملاقات کی۔
