امراوتی: ریاست آندھرا پردیش میں باراتیوں کو لے جانے والے ٹریکٹر کے الٹ جانے کے نتیجہ میں 6 باراتی بشمول دو بچے ہلاک اور دیگر کئی زخمی ہوگئے۔ یہ حادثہ کل شب ضلع چتور کے واولیلاتوٹہ کے قریب اُس وقت پیش آیا جب ٹریکٹر کے ڈرائیور نے اس کا توازن کھودیا اور یہ ٹریکٹر الٹ گیا۔ حادثہ اتنا شدید تھا کہ ٹریکٹر ڈرائیور، دو بچے اور تین خواتین موقع پر ہی ہلاک ہوگئیں۔ tractor Accident in Andhra Pradesh
ذرائع کے مطابق تیز رفتاری، حادثہ کی وجہ سمجھی جارہی ہے۔اطلاع ملتے ہی پولیس وہاں پہنچی جس نے لاشوں کو پوسٹ مارٹم اور زخمیوں کو علاج کے لئے اسپتال منتقل کردیا۔ پولیس نے اس سلسلہ میں ایک معاملہ درج کرکے جانچ شروع کردی۔
یہ بھی پڑھیں: Road Accident In Shivpuri شیو پوری میں ٹریکٹر ٹرالی الٹنے سے ڈرائیور کی موت
یو این آئی
