تلنگانہ اور اے پی میں بارش کاامکان

محکمہ موسمیات نے کہا ہے کہ آئندہ تین دنوں کے دوران شمالی ساحلی اے پی اور یانم میں گرج وچمک کے ساتھ بارش کا امکان ہے۔

اپنے بلیٹن میں محکمہ نےکہا کہ آئندہ 48گھنٹوں کے دوران تلنگانہ کے بعض مقامات پر گرج وچمک کے ساتھ بارش ہوگی۔

جب کہ 9 تا 12جولائی رائل سیما میں بارش ہوگی۔

آئندہ 24گھنٹوں کے دوران اضلاع میدک،سدی پیٹ،راجناسرسلہ، کاماریڈی، سنگاریڈی، میڑچل، ملکاجگری، حیدرآباد، رنگاریڈی، جنگاوں، یادادری، بھونگیر اور وقارآباد میں بعض مقامات پربارش ہوگی۔

آئندہ پانچ دنوں کے دوران تلنگانہ، ساحلی اے پی، یانم اور رائل سیما میں بعض مقامات پر ہلکی تا اوسط یا پھر گرج وچمک کے ساتھ بارش کا امکان ہے۔

جنوب مغرب مانسون ساحلی اے پی،رائل سیما میں معمول کے مطابق اور تلنگانہ میں کمزور رہا۔