لوکیش جو آندھرا پردیش کے سابق وزیراعلی این چندرابابونائیڈو کے فرزند ہیں، انہوں نے پارٹی کے دیگر ارکان کونسل کے ساتھ منگل گری بس اسٹینڈ پر احتجاج کیا۔
لوکیش نے بعد ازاں اس مسئلہ پر حکومت کی توجہ مرکوز کرنے کے لئے اپنی پارٹی کے ارکان کونسل کے ساتھ منگل گری سے اے پی اسمبلی تک بس میں سفر کیا۔
انہوں نے اس موقع پر بس میں سفر کرنے والے دیگر مسافرین کے ساتھ بس کرایوں میں اضافہ کے بارے میں تفصیلات حاصل کیں۔
اس موقع پر لوکیش نے کہا کہ حکومت نے عوام پر 700تا1000کروڑروپئے کا مالی بوجھ عائد کردیا ہے۔
انہوں نے کہا کہ کرایوں میں کمی تک ان کی پارٹی احتجاج کرے گی۔لوکیش نے دعوی کیا کہ جگن نے کہا تھا کہ عوام کی بہبود کے پروگراموں میں اضافہ کیاجائے گا تاہم ریت اور آرٹی سی کرایوں میں اضافہ کر دیا گیا۔
