تیلگو بگ باس کے مشہور این نوتن نائیڈو کی بیوی مدھو پریہ نے نائیڈو کے مکان میں اس ملازم کو چور قرار دیتے ہوئے اپنے اسٹاف کے ساتھ اس کا سر مونڈھ دیا تھا۔ وائیزاگ پولیس کمشنر منیش کمار سنہا نے اس دلت کا سر مونڈھنے کے واقعہ کا سی سی ٹی وی فوٹیج جاری کیا ہے۔
سری کانت نامی اس ملازم نے کہا کہ اس نے چار ماہ پہلے نائیڈو کے مکان میں ملازمت اختیار کی تھی اور یکم اگست کو اس نے ملازمت چھوڑ دی تھی۔ اس پر برہم نائیڈو کی بیوی نے اس سے بدلہ لینے کا فیصلہ کیا۔ سری کانت نے پولیس سے شکایت کی تھی کہ اس کا سرمونڈھ دیا گیا ہے۔
'بہتر اسپورٹس پالیسی تیار کی جائے گی'
پولیس نے اس شکایت پر نوتن نائیڈو اور اس کے اسٹاف کے خلاف تعزیرات ہند کی دفعات 307, 342, 324, 323 اور دیگر دفعات کے تحت معاملہ درج کیا تھا۔ پولیس نے تصدیق کی ہے کہ سری کانت نے نوتن کے مکان میں چار ماہ کام کیا ہے۔
سری کانت نے بتایا کہ نوتن نے اس کو گھر پر طلب کرتے ہوئے اس پر چوری کا الزام لگایا۔ خود کو بے گناہ قرار دیتے ہوئے سری کانت نے اس کی شکایت پولیس سے کی جس کے بعد نوتن، اس کی بیوی اور اسٹاف نے اس کو گھر طلب کرتے ہوئے اس کا سر مونڈھ دیا۔ سری کانت نے اس کو چھوڑ دینے کے لیے خواہش کی، تاہم ان افراد نے نائی کو طلب کرتے ہوئے سری کانت کا سر منڈھوا دیا۔
پولیس نے کہا کہ اس معاملے میں مزید گرفتاریاں کی جائیں گی۔ اسی دوران دلت تنظیموں نے اس معاملہ پر احتجاج کیا ہے۔
