ریاست آندھرا پردیش کے گنٹور میں کپڑوں کی ایک بڑی دکان کے منتظمین نے کورونا وبا کے پیش نظر عوام کی صحت کو ملحوظ رکھتے ہوئے ایک روبوٹ کا انتطام کیا ہے اور اسے شو روم کے باب الداخلہ پر کھڑا کردیا ہے جو عوام میں کورونا وبا کے متعلق شعور بیداری پیدا کرنے کا سبب بنے گا۔
خبر میں بتایا گیا ہے کہ گنٹور میں کپڑے کی دکان کے منتظمین اس روبوٹ کو چننئی سے خاص طور پر لائے ہیں۔ منتظمین نے خلاصہ کیا ہے کہ روبوٹ کوویڈ وبا کے دوران شو روم میں آنے والے صارفین کی حفاظت کے لئے کام کرتا ہے۔ روبوٹ کپڑے کی دکان میں گاہکوں کے داخل ہوتے ہی ہاتھوں میں سینیٹائزر رکھ دیتا ہے۔ ساتھ ہی جسمانی درجہ حرارت کی پیمائش بھی کرتا ہے۔ اگر ماسک نہیں پہنا ہوا ہے تو ماسک پہننے کا اشارہ دیتا ہے۔ یہ عمل مکمل ہوتے ہی روبوٹ گاہکوں کا شکریہ ادا کرتا ہے۔
حتیٰ کہ شوروم کے اندر بھی روبوٹ گاہکوں کو اگر وہ ماسک نہیں پہنے ہوئے ہیں تو متنبہ کرتا ہے۔ روبوٹ کا دوسرا کام کسٹمرس کے ہاتھوں کو سینیٹائز کرنا بھی ہے۔ اس روبوٹ کو دفاعی نظام کے لئے بھی استعمال کیا جاتا ہے۔ اس روبوٹ کو چننئی میں خصوصی طور پر بنایا گیا ہے جس کی قیمت پانچ لاکھ روپیے طے کی گئی ہے اور اس کا نام زفیرہ رکھا گیا ہے۔ صارفین اس روبوٹ کو شوروم میں دیکھ کر حیران ہوجاتے ہیں۔
