محکمہ صحت کے مطابق ریاست میں کورونا متاثرین کی تعداد بڑھ کر 6 لاکھ1 ہزار 462 ہوگئی ہے۔ اس دوران 10 ہزار 712 افراد کے صحتیاب ہونے سے وائرس سے نجات پانے والے لوگوں کی تعداد بڑھ کر 5 لاکھ 8 ہزار 88 ہوگئی ہے۔ اس دوران 72 لوگوں کی موت کے بعد مرنے والوں کی تعداد 5 ہزار 177 ہوگئی ہے۔
راحت کی بات یہ ہےکہ ریاست میں مریضوں کے صحت مند ہونے کی شرح بڑھ کر 84.47 فیصد ہوگئی جو بدھ کو 83.90 فیصد تھی۔
ریاست میں سرگرم معاملوں میں 2 ہزار 82 کی کمی درج کی گئی جس سے کل معاملے 88 ہزار 197 رہ گئے جو بدھ کو 90ہزار 279 تھے۔ سبھی متاثر مریضوں کا مختلف اسپتالوں میں علاج چل رہا ہے۔
مزید پڑھیں:
بھوپال: 'قومی بے روزگاری دیوس' کے موقع پر احتجاج
واضح رہے کہ کورونا وائرس سے سنگین طور پر متاثر آندھرا پردیش انفیکشن کے معاملے میں ملک میں مہاراشٹر کے بعد دوسرے نمبر پر ہے۔ سرگرم معاملوں میں آندھرا پردیش، کرناٹک کے بعد تیسرے مقام پر ہے۔
