بدھ کے روز جاری ہیلتھ بلیٹین کے مطابق ریاست میں متاثرین کی مجموعی تعداد بڑھ کر8,47,977 ہوگئی ہے۔ اس دوران مزید 14 اموات کے بعد مرنے والوں کی تعداد 6,828ہوگئی ہے۔
ریاست میں متاثرین کی بنسبت صحت یاب ہونے والوں کی تعداد میں اضافہ درج کیا گیا۔ اس دوران 1,761مریض صحت یاب ہوئے جس کے ساتھ ہی شفایاب ہونے والوں کی تعداد بڑھ کر 8,20,234 ہوگئی ہے۔ یہاں شفایابی کی شرح 96.72 فیصدپہنچ گئی ہے۔
صحتیاب ہونے والوں کی تعداد زیادہ ہونے سے فعال معاملات میں بھی کمی آئی ہے۔ بدھ کو سرگرم معاملے مزید 43 کم ہوکر 20,915 رہ گئے۔ سبھی مریض مختلف اسپتالوں اور کووڈ مراکز میں زیرعلاج ہیں۔
قابل ذکر ہے کہ کورونا انفیکشن کے معاملے میں پورے ملک میں مہاراشٹر اور کرناٹک کے بعد آندھراپردیش تیسرے مقام پر ہے۔ فعال معاملات کے لحاظ سے یہ اترپردیش کے بعدساتویں مقام پر ہے۔
