وزیراعلیٰ وائی ایس جگن موہن ریڈی نے ایک جائزہ اجلاس منعقد کرتےہوئے عہدیداروں کو ہرگاؤں میں ایک وائی ایس آر ہیلتھ کلینک قائم کرنے کی تجویز پر تیزی سے عمل آوری کی ہدایت دی۔
ریاست میں عوامی صحت کی دیکھ بھال اور صحت سے متعلق انفراسٹرکچر کو بہتر بنانے کےلیے ریاستی حکومت سرکاری ہسپتالوں اور میڈیکل کالجز کی بحالی کےلیے 16,203 کروڑ روپئے خرچ کرنا چاہتی ہے جبکہ ہر گاؤں میں وائی ایس آر کلینک قائم کئے جائیں گے۔
وزیراعلیٰ نے نادو۔نیڈو پروگرام کے تحت گاؤں کے کلینک، پرائمری ہیلتھ کیئر سنٹرز، کمیونٹی ہیلتھ سنٹرز،ایریا ہسپتال اور ضلعی سطح کے ہسپتالوں کی ترقی کے بارے میں تفصیلات طلب کی ہے۔
دریں اثنا ریاستی حکومت نے قبائلی علاقوں میں سات سپراسپیشیلٹی ہسپتالوں اور چھ میڈیکل کالجز کو شروع کرنے کی تجاویز پیش کی ہے جس کا تخمینہ بجٹ 6100 کروڑ روپئے ہے۔
وزیراعلیٰ جگن موہن ریڈی کی قیادت میں منعقدہ جائزہ اجلاس میں دیگر امور پر بھی غور و خوص کیا گیا۔
