آندھرا پردیش کے وزیراعلی کی گورنر سے ملاقات

ریاست آندھرا پردیش کے وزیراعلی وائی ایس جگن موہن ریڈی نے آج گورنر وشواجیت ہری چندن سے ملاقات کی۔

اسمبلی کی کارروائی غیر معینہ مدت تک ملتوی ہونے کے بعد وزیراعلی جگن موہن ریڈی سیدھے راج بھون پہنچے اور گورنر سے ملاقات کی۔

اس موقع پر ریاست کی تازہ سیاسی صورتحال، اسمبلی اجلاس کے مختلف امور پر تبادلہ خیال کیاگیا۔بجٹ سیشن کے دوران منظورہ بلوں کے سلسلہ میں بھی تفصیلات سے وزیراعلی نے گورنر کو واقف کروایا۔
متحدہ آندھرا پردیش کی تقسیم کے بعد پیداشدہ مسائل پر بھی گورنر کو توجہ دلائی گئی۔