ریاست آندھراپردیش میں کورونا وائرس کی وبا تیزی سے پھیل رہی ہے جبکہ اس وبا سے اب تک 33 اموات بھی ہوچکی ہے۔
گذشتہ چوبیس گھنٹوں کے دوران 38 کورونا مریضوں کو صحتیابی کے بعد ڈسچارج کردیا گیا۔ ریاست میں اب تک اس وبا سے 441 افراد صحتیاب ہوچکے ہیں۔
آندھراپردیش میں گذشتہ چوبیس گھنٹوں کے دوران سب سے زیادہ کیسز ضلع کرنول میں پائے گئے، یہاں 25 نئے کورونا کیسز منظر عام پر آئے ہیں۔ ضلع میں اب تک 436 افراد کورونا سے متاثر پائے گئے جبکہ ان میں 66 مریض صحتیاب ہوئے ہیں اور 10 اموات ہوئی ہیں۔ فی الحال 360 مریضوں کا علاج کیا جارہا ہے۔
اس کے علاوہ ضلع کرشنا میں 12 نئے کیسز سامنے آئے ہیں اور یہاں متاثرین کی کل تعداد 258 تک پہچ گئی۔
آندھراپردیش میں فی الوقت 1,051 کورونا مریضوں کا علاج کیا جارہا ہے۔
