روزگار فراہم کرنے والا نوجوان

ضلع اننت ناگ کے بجبہاڑہ میں واقع سنگم علاقے کے نوجوان نے اعلی تعلیم حاصل کر مثال قائم کی ہے۔ اب اپنے پیروں پر کھڑا ہو کر درجنوں نوجوانوں کو روزگار فراہم کر رہا ہے۔

ریاست جموں و کشمیر میں پڑھائی لکھائی کے بعد ہر کوئی سرکاری نوکری کے پیچھے لگا رہتا ہے۔ وہیں جنوبی کشمیر کے سنگم علاقے سے تعلق رکھنے والے، شیراز نامی نوجوان نے اعلیٰ تعلیم حاصل کرنے کے بعد اپنے پیروں پر کھڑے ہو کر ایک مثال قائم کی ہے۔

شیراز نے ایم بی اے کی ڈگری حاصل کرنے کے بعد ایک ملٹی نیشنل کمپنی میں اعلیٰ عہدے پر کام کیا ہے۔ نوکری کو خیر باد کرنے کے بعد شیراز نے کرکٹ بلوں کا اپنا یونٹ قائم کیا اور درجنوں بے روزگار نوجوانوں کو روزگار فراہم کیا۔

نوکری چھوڑ کر مثال قائم کرنے والا نوجوان

اس فیکٹری میں اس وقت 30 سے زیادہ افراد اپنا روزگار حاصل کر رہے ہیں اس جواں سال نوجوان نے ایک ایسی مثال قائم کی جو تمام نوجوانوں کے لئے مشعل راہ ثابت ہو سکتا ہے۔