اننت ناگ: جموں و کشمیر کے ضلع اننت ناگ میں نکالی گئی اس سائیکل ریلی Cycle Rally میں 214 سائیکل سوار طلباء نے حصہ لیا۔ سائیکل ریلی کا انعقاد، آزادی کا امرت مہوتسو مہم کے ایک حصے کے طور پر ’ورلڈ بائیسکل ڈے‘ world bicycle day کی یاد میں کیا گیا۔ ریلی کو ضلع ترقیاتی کونسل اننت ناگ محمد یوسف گوری نے جھنڈی دکھا کر روانہ کیا۔
ریلی کا مقصد بھائی چارے اور قوم پرستی کے جذبے کو بڑھانا اور گلوبل وارمنگ اور غیر صحت مند طرز زندگی سے نمٹنے کے لیے سائیکلوں کے استعمال کو مقبول بنانا تھا۔ ریلی کے اختتام کے بعد تقریب سے خطاب کرتے ہوئے، ڈی ڈی سی کے چیئرمین نے صحت کے تئیں سائیکل چلانے کے فوائد پر روشنی ڈالی۔
انہوں نے اس ریلی میں شرکت کرنے والے سائیکل سوار طلباء کو تعلیمی مصروفیات کے ساتھ ساتھ کھیلوں کی سرگرمیوں میں بھی سرگرم رہنے پر مبارکباد دی۔اسپورٹس اسٹیڈیم مٹن میں منعقدہ تقریب میں مہمان خصوصی نے پہلے 10 پوزیشن ہولڈرز میں انعامات تقسیم کیے۔
یہ بھی پڑھیں:
Kashmir Drug menace: بھنگ کی کاشت کے خلاف سخت کارروائی کا مطالبہ
