جموں و کشمیر کے جنوبی ضلع اننت ناگ کے حلقہ انتخاب کوکرناگ جسے 'کوکرناگ' اس لئے بھی کہتے ہیں، کیونکہ یہاں بے شمار چشمے ہیں۔ جنہیں یہاں کے مقامی لوگ اپنی روز مرہ کی زندگی میں استعمال میں لاتے ہیں۔ لیکن رواں برس شدت کی گرمی سے مقامی چشموں کے ساتھ ساتھ ندی نالے بھی سوکھ چکے ہیں۔ اس طرح کی جھلسا دینے والی گرمی نے کوکرناگ کے دور دراز پہاڑیوں میں رہایش پزیر لوگوں کو پانی کی بوند بوند کے لئے محتاج کر دیا ہے۔ یہاں کے لوگوں کو روز ٹھوکریں کھا کر بڑی مشکل سے پانی کی ایک مٹکی دستیاب ہوتی ہے۔
اندرون ساگم کے لوگ پینے کے صاف پانی کی عدم دستیابی کی وجہ سے کئی دہایوں سے مشکلات سے دوچار ہیں۔ اگرچہ پانی کو انسان کی سب سے بڑی اور اہم ضرورتوں میں تصوّر کیا جاتا ہے، تاہم کوکرناگ حلقہ کے کچھ علاقے ایسے بھی ہیں جنہیں پانی حاصل کرنے کے لئے ہر روز ایک نئی جدوجہد کرنی پڑتی ہے۔
کوکرناگ میں پانی کا بحران مقامی عورتوں کا کہنا ہے کہ پانی کے مٹکیاں سِر پر اٹھانے سے وہ کئی امراض میں مبتلا ہو چکی ہیں۔
ای ٹی وی بھارت سے بات کرتے ہوئے اندرون کے لوگوں کا کہنا ہے کہ پہاڑی علاقہ ہونے کی وجہ سے سردیوں کے ایام میں انہیں برف پگھلا کر اپنے اہل و عیال کی پیاس بجھانی پڑتی ہے۔ یہاں پانی حاصل کرنا کوئی جنگ جیتنے سے کم نہیں ہے۔
اگرچہ محکمہ جل شکتی مقامی علاقہ کے رہایش پزیر لوگوں کے لئے ہفتہ میں ایک بار پانی کا ٹینکر مہیا کرتا ہے، تاہم پانی کا ایک ٹینکر مقامی علاقہ کے لئے کم کافی نہیں ہے۔ اور مقامی لوگ حاصل کرنے کے لئے دور دراز علاقوں کا رخ کرتے ہیں۔
ای ٹی وی بھارت کے نمائندہ نے جب یہ معاملہ محکمہ جل شکتی کے اسسٹنٹ ایگزیکیوٹیو انجینئر کی نوٹس میں لانا چاہا تو وہ اپنے دفتر میں موجود نہیں تھے، اور جب نمائندہ نے مذکورہ آفیسر سے فون پر رابطہ کرنا چاہا، تو انہوں نے فون اٹھانے کی زحمت نہیں کی۔ اس ضمن میں مقامی عوام نے لیفٹننٹ گورنر انتظامیہ سے مداخلت کی اپیل کی ہے۔
