اننت ناگ میں چیئرمین تحصیل لیگل سروسز اتھارٹی محمد اشرف بٹ جو سب جج بجبہاڑہ بھی ہیں نے ضلع انتظامیہ کو ہدایت دی ہے کہ وہ ریڈ زون قرار دئے گیے کھرم علاقہ میں تمام تر حفاظتی انتظامات کو یقینی بنائیں تاکہ کورونا وائرس کو مزید پھیلنے سے روکا جا سکے۔
علاوہ ازیں انہوں نے افسران کو ہدایت دی کہ وہ کھرم ریڈ زون میں لوگوں کی ٹیسٹنگ کا عمل تیزی سے شروع کریں، اور تمام کام کاج کی تفصیلی رپورٹ پیش کریں۔
واضح رہے کہ ضلع اننت ناگ کے شانگس، نوگام، اچھہ بل اور کئی دیگر علاقوں کے بعد چند روز قبل ضلع کے کھرم علاقہ کے کھوڈ پورہ میں کورونا وائرس کا ایک مثبت معاملہ سامنے آیا تھا۔ جس کے بعد مذکورہ علاقہ کو ریڈزون جبکہ اس کے متصل علاقہ جات کو بفر زون قرار دیا گیا ہے۔
