ضلع اننت ناگ کے اشاجی پورہ، روحو، منگہال، دانتر علاقوں میں سڑکوں کی خستہ حالی سے علاقے کی کثیر آبادی کو مشکلات کا سامنا کرنا پڑتا ہے۔
اگرچہ ضلع کے کئی مقامات پر رابطہ سڑکوں کی مرمت کا کام عمل میں لایا گیا تاہم مذکورہ علاقوں سمیت ضلع کے متعدد علاقوں کو نظر انداز کیا گیا ہے۔
مقامی لوگوں کا کہنا ہے کہ کافی عرصے سے مرمت نہ ہونے کی وجہ سے سڑکوں پر جگہ جگہ گھڑے بن گئے ہیں جس کے سبب علاقے کے لوگوں کو گوناگوں مشکلات سے دوچار ہونا پڑتا ہے، خاص کر بیماروں کو ہسپتال لے جانے کے دوران کافی تکلیف ہوتی ہے۔
مقامی آبادی کے مطابق معمولی بارش کی وجہ سڑکوں بن بنے گھڑے تالاب کا منظر پیش کرتے ہیں جبکہ خشک موسم سے اٹھنے والے گرد و غبار کے سبب راہگیروں کو دقتوں کا سامنا کرنا پڑ رہا ہے۔
انہوں نے مزید کہا کہ خستہ حال سڑکوں کی وجہ سے چلی والی گاڑیوں کو بھی شدیق نقصان پہنچتا ہے۔
لوگوں کا مطالبہ ہے کہ سڑکوں کی مرمت اور تار کول بچھانے کا کام عمل میں لایا جائے تاکہ مقامی آبادی کو مزید مشکلات کا سامنا نہ کرنا پڑے۔
