Winter Diseases Of kashmir خشک سردی کی شدید لہر سے وائرل انفیکشن کا خطرہ

جی ایم سی اننت ناگ کے سینیئر کنسلٹنٹ میڈیسن ڈاکٹر فیاض احمد بٹ نے کہا کہ وادی میں سردی کی لہر میں اضافے کی وجہ سے وائرل انفیکشن بیماریوں کے پھیلاؤ ہونے کا خطرہ ہے۔ انہوں نے کہا اس دوران لوگ کھانے کے ساتھ ساتھ گرمی کا پورات انتظام رکھے تاکہ کسی بھی بیماری کا خدشہ نہ ہو۔Winter Diseases Of kashmir

اننت ناگ: وادی میں خشک سردی کی لہر مسلسل جاری ہے ،جس کے سبب درجہ حرارت میں نمایاں کمی واقع ہوئی ہے، خاص کر شبانہ منفی درجہ حرارت سے لوگوں کو پریشانی ہو رہی ہے۔خشک سردی کی وجہ سے جہاں عام زندگی مفلوج ہو کر رہ گئی ہے، وہیں عام لوگ خاص کر بچے اور ضعیف العمر افراد نزلہ ،زکام ،کھانسی اور بخار کی بیماری میں مبتلا ہو رہے ہیں۔دوا خانوں اور ہسپتالوں میں مریضوں کے ہجوم نظر آرہے ہیں۔ وہیں دمے،امراض قلب اور بلڈ پریشر مریضوں کو یخ بستہ سردیوں کے عیام کے دوران زندگی اجیرن بن جاتی ہے۔Cold wave in kashmir

رات کے دوران منفی درجہ حرارت کے سبب پانی کے نل جم جاتے ہیں، جس سے لوگوں کو مزید دشواری ہوتی ہے۔بعض اوقات صبح سویرے گہری دھند چھائی رہتی ہے۔شدید سردیوں اور گہری دھند کے سبب لوگ تاخیر سے اپنا معمول کا کام کاج شروع کرتے ہیں،وہیں بیمار اور بزرگ لوگ اپنے گھروں میں ہی آرام کرنے کو ترجیح دے رہے ہیں۔Winter viral Infections In Kashmir ای ٹی وی بھارت سے بات کرتے ہوئے سینیئر کنسلٹنٹ میڈیسن ڈاکٹر فیاض احمد بٹ نے کہا کہ شدید سردیاں شروع ہوتے ہی وائرل انفیکشن سے منسلک بیماریوں کا پھیلاؤ بڑھ جاتا ہے۔Interview With Senior Medicine Consultant Fayaz Ahmad

انہوں نے کہا کہ سردیوں کے دوران بلڈ پریشر بڑھ جانے کا خطرہ ہوتا ہے لہذا ایسے مریضوں کو احتیاط برتنے اور وقت پر دوائی لینے کی ضرورت ہے۔ انہوں نے کہا کہ سی او پی ڈی یعنی دمے کے مریضوں کو بھی خود کا خاص خیال رکھیں۔

ڈاکٹر فیاض نے مزید کہا کہ لوگ گیس اور الیکٹرانک ہیٹرس کا استعمال احتیاط سے کریں اور اپنے کمروں میں ویٹلیشن کا مکمل خیال رکھیں تاکہ کوئی حادثہ پیش نہ آئے۔