ڈورو میں نشہ مکت بھارت پر سمینار کا انعقاد

ضلع اننت ناگ کے ڈور شاہ آباد میں ضلع انتظامیہ کی جانب سے نشہ مکت بھارت کے عنوان پر ایک سیمینار کا انعقاد کیا گیا، جس کا مقصد نوجوانوں کو اس کے برے اثرات سے آگاہ کرنا ہے۔

جموں و کشمیر کے ضلع اننت ناگ کے ڈورو شاہ آباد میں نشہ مکت بھارت پر ضلع انتظامیہ کی جانب سے ایک سیمینار کا انعقاد کیا گیا تھا، سمینار میں اسکولی بچوں کے علاوہ سیول سوسائٹی و مختلف محکموں کے افسران نے شرکت کی۔

سمینار میں مقررین نے نشہ آور چیزوں کے مضر اثرات پر مفصل روشنی ڈالی، طالبہ کا کہنا تھا کہ نشہ آور چیزوں کا قلع قمع کرنے اور نوجوانوں کو اس لت سے محفوظ رکھنے کے لیے ہمیں مل جل کر کام کرنا ہوگا۔

ڈسڑکٹ سوشل ویلفیئر آفیسر ڈاکٹر فرحت کا کہنا تھا کہ انتظامیہ نشہ کے عادی افراد کو کونسلنگ کے لیے ہر وقت تیار ہے۔

انہوں نے مزید کہا کہ پروگرام کا مقصد نوجوانوں کو اس کے برے اثرات سے آگاہ کرنا ہے اور ضلع میں عنقریب نشہ آور چیزوں کی خریدوفروخت پر مکمل روک لگانے کے حوالے سے حکمت عملی تیار کی جارہی ہے۔