یوم آزادی کی تقریبات کو خوش اسلوبی کے ساتھ انجام دینے کیلئے جموں کشمیر کے دیگر اضلاع کے ساتھ ساتھ جنوبی کشمیر کے چاروں اضلاع میں حفاظت کے غیر معمولی انتظامات گئے ہیں۔
ضلع اننت ناگ میں بھی دیگر اضلاع کی طرح حساس علاقوں میں حفاظتی اہلکاروں کی اضافی نفری کو تعینات کیا گیا ہے۔ مشکوک افراد کی نقل و حرکت پر قریبی نظر رکھی جا رہی ہے، وہیں نجی و پبلک گاڑیوں سمیت موٹر سائیکل سواروں کی چیکنگ کی جا رہی ہے۔
واضح رہے کہ چند روز قبل ضلع کولگام کے ملپورہ، میر بازار میں سرینگر - جموں قومی شاہراہ پر عسکریت پسندوں کی جانب سے بی ایس ایف کانوائے کو نشانہ بنانے کے بعد عسکریت پسندوں نے اپنی موجودگی کا اظہار کیا تھا، جس کے سبب جنوبی کشمیر میں سکیورٹی کو مزید چوکس کیا گیا ہے۔
مزید پڑھیں: یوم آزادی کی تقریب سے قبل جموں میں چار مبینہ عسکریت پسند گرفتار
وہیں سرینگر کے شیر کشمیر اسٹیڈیم سرینگر اور مولانا آزاد اسٹیڈیم جموں کے گرد و نواح کے علاقوں کو فوجی چھاؤنی میں تبدیل کر دیا گیا ہے، اور سکیورٹی کو ہائی الرٹ کیا گیا ہے۔
مزید پڑھیں: کشمیرمیں 15اگست کے پیش نظر سیکورٹی کے غیر معمولی انتظامات
عسکریت پسندوں کی جانب سے دراندازی کے واقعات رونما ہونے کے پیش نظر ایل او سی پر مزید فورسز تعینات کر دئے گئے ہیں، کسی بھی ناخوشگوار واقعے کو روکنے کے لئے فورسز کو چوبیس گھنٹے متحرک رہنے کے احکامات صادر کئے گئے ہیں، جبکہ شہر سرینگر میں فضائی نگرانی کیلئے ڈرون کا استعمال بھی عمل میں لایا جا رہا ہے۔
