جنوبی کشمیر کے ضلع اننت ناگ میں حالیہ ایام میں کورونا کے متعدد مثبت کیس سامنے آنے کے بعد ضلع انتظامیہ نے علاقے میں جراثیم کش ادویات کے چھڑکاؤ کے علاوہ صفائی مہم تیز کر دی ہے۔
کورونا کے چلتے لوگوں کو وبا سے محفوظ رکھنے کی غرض سے میونسپل کونسل اننت ناگ کی طرف سے مہم جاری ہے۔
شانگس نوگام کے باشندوں نے ڈی سی اننت ناگ سے علاقے کو پوری طرح سے سینیٹاز کرنے کے علاوہ عوام کو ہوم ڈیلیوری کے تحت اشیائے خور ونوش و ادویات فراہم کرنے کا بھی مطالبہ کیا تھا۔
ادھر لاک ڈائون کے چلتے کورونا کو مزید پھیلنے سے روکنے کی غرض سے میونسپل کمیٹی اننت ناگ نے نوگام علاقے میں جراثیم کش ادویات کے چھڑکائو کے علاوہ ڈرینیج کی صفائی بھی عمل میں لائی۔
اس موقعے پر میونسپل کونسل کے صدر ہلال احمد شاہ کا کہنا تھا کہ ’’لاک ڈاؤن اور سماجی دوری کا پوری طرح نفاذ کرنے کے بعد ہی کورونا کے پھیلائو کو کم کرنے کی امید کی جا سکتی ہے۔‘‘
