جنوبی ضلع اننت ناگ کے حلقہ انتخاب کوکرناگ کے ہرگام ذلنگام کے لوگوں نے شکایت کی ہے کہ علاقے میں طبی سہولیت میسر نہ ہونے کے باعث کثیر آبادی کو کئی مشکلات کا سامنا کرنا پڑتا ہے۔ مقامی لوگوں کا کہنا ہے کہ جب مذکورہ علاقے میں کوئی بیمار پڑجاتا ہے یا کسی حاملہ خاتون کو ہسپتال لے جانا پڑتا ہے تو انہیں کئی مشکلات کا سامنا کرنا پڑتا ہے۔
لوگوں کے مطابق انہیں مریض کو کوکرناگ کے سب ڈسٹرکٹ ہسپتال لے جانا پڑتا ہے۔ انہیں بیمار کو ہسپتال لے جانے میں کئی دقتوں کا سامنا کرنا پڑتا ہے۔ خراب موسم کی وجہ سے ان کی مشکلات میں مزید اضافہ ہوجاتا ہے۔
مقامی لوگوں نے کئی بار انتظامیہ سے گزارش کی کہ ان کے اس دیرینہ مطالبے پر غور کیا جائے، تاکہ لوگوں کو کچھ حد تک راحت ملے۔ تاہم حکام نے آج تک لوگوں کی مشکلات کو نظر انداز کیا۔
یہ بھی پڑھیں: سرینگر: 'ایئر شو' کی تیاریاں مکمل
علاقے کے لوگوں نے انتظامیہ سے مطالبہ کیا ہے کہ علاقے میں فرسٹ ایڈ سینٹر کا قیام عمل میں لایا جائے تاکہ لوگوں کی مشکلات کا ازالہ ممکن ہوسکے۔
