Rain Lashes South Kashmir Areas اننت ناگ میں بھی بارشوں اور برفباری کا سلسلہ شروع

محکمہ موسمیات کی پیشگوئی کے عین مطابق وادی کشمیر کے میدانی علاقوں میں بدھ کی صبح سے ہی بارشوں کا سلسلہ جاری ہے جبکہ بالائی علاقوں میں ہلکی برفباری بھی درج کی گئی ہے۔ Rain, snow in Kashmir

اننت ناگ: وادی کشمیر کے بالائی علاقوں میں برفباری اور میدانی علاقوں میں وقفے وقفے سے بارشوں کا سلسلہ جاری ہے اور اسی بیچ محکمہ موسمیات نے وادی میں 13 جنوری تک موسم خراب رہنے کی پیش گوئی کی ہے۔ جموں و کشمیر محکمہ موسمیات کے مطابق وادی کشمیر میں 11 جنوری سے 13 جنوری تک برف و باراں بھی متوقع ہے جبکہ 13 جنوری سے موسم ابر آلود رہے گا اور اس دوران بالائی علاقوں میں کہیں کہیں ہلکی برف باری کا امکان ہے۔

اننت ناگ کے میدانی علاقوں میں بارشوں اور پہاڑی علاقوں میں برفباری کا سلسلہ بدھ کی صبح سے ہی شروع ہوا جس کے سبب درجہ حرارت میں کافی کمی واقع ہوئی۔ محکمہ موسمیات کی پیشگوئی کے عین مطابق 11 جنوری سے بالائی علاقوں میں ہلکی برفباری جبکہ میدانی علاقوں میں بارشوں کا سلسلہ شروع ہوا۔ پیر پنچال کے پہاڑی علاقوں - جن میں سمتھن ٹاپ، مرگن ٹاپ شامل ہیں - کے علاوہ مشہور سیاحتی مقام پہلگام کے پہاڑی علاقوں میں گزشتہ شام سے ہی ہلکی برف باری جاری ہے۔ جبکہ میدانی علاقوں میں بدھ کی صبح سے بارشوں کا سلسلہ شروع ہوا جو وقفے وقفے سے جاری ہے۔ محکمہ موسمیات کے مطابق 13 جنوری سے موسم خوشگوار رہے گا اور کشمیر کے طول و ارض میں جاری سردی کی شدت میں کمی بھی متوقع ہے، جبکہ دن کے درجہ حرارت میں مزید اضافہ کے امکانات ہیں۔