مقامی لوگوں کا کہنا ہے کہ علاقہ میں کئی تعمیراتی کام کیے گئے جن کا ٹھیکہ از خود مقامی سرپنچ نے ہاتھ میں لیا تھا، مذکورہ تعمیراتی کاموں میں ناقص میٹریل کا استعمال کر کے سرکاری خزانے کو لاکھوں کا چونا لگایا گیا۔
وہیں مذکورہ سرپنچ متعلقہ سرکاری محکمہ کے ملازمین سے مل کر تمام تعمیراتی کام از خود ہاتھ میں لے کر اپنی مرضی کے مطابق کام کر رہے ہیں جبکہ علاقہ میں موجود پنچایت دفتر پر تالا لگایا گیا ہے اور ابھی تک کوئی بھی گرام سبھا نہیں بلائی گئی۔
یہ بھی پڑھیں: کشمیر میں پلازما جمع کرنے کا سلسلہ شروع
لوگوں کا کہنا ہے کہ علاقہ میں سینکڑوں بے روزگار نوجوان ہیں۔ تاہم مذکورہ سرپنچ کی جانب سے نہ صرف بے روز گار نوجوانوں کی حق تلفی کی جاتی ہے بلکہ ترقیاتی کاموں کے نام پر لاکھوں کی رقم کی خرد برد کیا جاتی ہے۔
انہوں نے ضلع انتظامیہ سے معاملہ کی جانب توجہ دے کر مسئلہ کا ازالہ کرنے کی اپیل کی
