منشیات کے خلاف جاری مہم کے دوران اننت ناگ پولیس نے ایک منشیات فروش کو بھاری مقدار میں منشیات سمیت گرفتار کیا ہے۔
تفصیلات کے مطابق ایک مصدقہ اطلاع موصول ہونے کے بعد مٹن پولیس تھانہ سے وابستہ متعلقہ ایس ایچ او اور ایگزیکٹو مجسٹریٹ مٹن کی سربراہی میں پولیس کی ایک ٹیم نے نانل مٹی پورہ علاقہ میں ایک مکان پر چھاپہ مارا۔ تلاشی کارروائی کے دوران محمد شفیع نجار ولد غلام محمد نجار کے گھر سے پانچ کونٹل فُکی (پوشتہ کا چھلکا) برآمد کیا گیا۔
پولیس نے فکی کو ضبط کر کے منشیات فروش محمد شفیع کو موقعہ پر ہی گرفتار کیا اور ملزم کے خلاف این ڈی پی ایس ایکٹ کے تحت معاملہ درج کیا ہے۔ پولیس نے معاملہ کی نسبت مزید تفتیش شروع کی ہے۔
یہ بھی پڑھیں: موسم کی خرابی کے پیش نظر ضلع انتطامیہ اننت ناگ نے ہیلپ لائنز قائم کی
ایس ایس پی اننت ناگ امتیاز حسین نے منشیات مخالف مہم میں پولیس کو اپنا تعاون فراہم کرنے پر عوام کا شکریہ ادا کیا۔ انہوں نے کہا کہ پولیس کی جانب سے تب تک یہ مہم جاری رہے گی جب تک پورے ضلع کو منشیات سے پاک نہ کیا جائے۔
