اننت ناگ: جموں و کشمیر کے ضلع اننت ناگ کے زملگام ڈورو علاقہ میں پینے کے صاف پانی کی شدید قلت سے لوگوں کو مشکلات کا سامنا کرنا پڑ رہا ہے۔ مقامی لوگوں کا کہنا ہے کہ چند برس قبل علاقہ میں واٹر سپلائی اسکیم پر کام شروع کیا گیا تھا۔ یہاں پانی کا ٹینک بھی تعمیر کیا گیا اور پائپ لائن بھی بچھائی گئی لیکن نامعلوم وجوہات کی بنا پر منصوبہ کا کام آخری مرحلہ میں چھوڑ دیا گیا اور متعلقہ حکام کی جانب سے ابھی تک اس سلسلہ میں کوئی پُرسان حال نہیں ہے۔ People upset due to water Shortage in Anantnag
- یہ بھی پڑھیں: Shortage of Drinking Water in Raj Bhat: راج بٹ محلہ میں پینے کے صاف پانی کی عدم دستیابی سے لوگ پریشان
مقامی لوگوں کا کہنا ہے کہ لوگ اپنے گھروں کے باہر ٹنکیاں رکھتے ہیں جن میں محکمۂ جل شکتی کی جانب سے کبھی کبھار پانی بھرا جاتا ہے اور یہی حال یہاں کے اسکولز کا بھی ہے جہاں بچوں کو بعض اوقات پینے کے پانی کے لئے ترسنا پڑتا ہے۔ وہیں بیشتر اوقات میں مقامی خواتین کو دور دراز سے پینے کا پانی لانا پڑتا ہے۔ پانی کی شدید قلت کے سبب علاقہ کی کثیر آبادی گوناگوں مشکلات سے دوچار ہے۔ اس مسئلہ کو کئی مرتبہ متعلقہ محکمہ کی نوٹس میں لانے کے بعد بھی کچھ نہیں کیا گیا۔ انہوں نے حکام سے اپیل کی ہے کہ وہ فوری طور پر اس معاملہ کو حل کریں۔
