تفصیلات کے مطابق آورہ ڈہوٹو پہلگام کے گاؤں میں گزشتہ دو روز کے دوران الٹی، دست اور پیٹ میں درد کی شکایت پر متعدد لوگوں کو گاؤں کے نزدیکی ہسپتال میں داخل کرایا گیا۔
ذرائع نے بتایا کہ گاؤں میں آلودہ پانی پینے سے بہت سارے بیمار ہوئے ہیں، اس واقعہ کے سامنے آنے کے بعد محکمہ صحت حرکت میں آ گیا ہے۔
حالانکہ، ڈاکٹروں کا کہنا ہے کہ ان مریضوں کے ہاسپٹل میں آنے کے کچھ گھنٹوں بعد ہی ان کو ڈسچارج کر دیا ہے، کسی کی بھی حالت نازک نہیں ہے۔
یہ بھی پڑھیں: کورونا متاثرین کی تعداد 17 ہزار سے تجاوز
میڈیکل ذرائع کے مطابق آورہ ڈہوٹو پہلگام کے گاؤں میں ایک ساتھ بڑی تعداد میں لوگوں کو الٹی،دست، پیٹ درد اور بخار ہونے کی جانکاری ہمیں ملی تھی۔ اطلاع ملتے ہی ڈاکٹروں کی ایک اسپیشل ٹیم تشکیل دی کر گاؤں بھیج دی گئی۔ جس طرح کی حالت بتائی جا رہی ہے، اس سے لگتا ہے کہ آلودہ پانی پینے سے ایسا ہوا۔ ذرائع نے مزید بتایا کہ بیماری کی وجوہات کا صحیح صحیح پتا لگانے کے لئے ڈاکٹروں نے پانی کے نمونے لےکر جانچ کے لیے بھیجا ہے۔
