پنچ سرپنچ کارڈینیشن کے جنرل سیکرٹری ننھا جی واتل نے بیک ٹو ولیج 3 پروگرام پر ضلع انتظامیہ اننت ناگ کا شکریہ ادا کیا۔
انہوں نے کہا کہ اسطرح کے پروگراموں میں لوگوں کی امیدوں میں مزید اضافہ ہوتا ہے۔ جبکہ انتظامیہ ان امیدوں پر کھرا نہیں اترتی ہے۔
واتل نے کہا کہ وہ پنچایتی نمائندوں اور عوامی مسائل کو لیکر آئندہ دنوں میں ایل جی سے بھی ملاقات کریں گے۔
واضح رہے کہ جمعہ کے روز کورونا وائرس کے سایے میں ‘بیک ٹو ولیج’ پروگرام کا تیسرا مرحلہ شروع ہوگیا ہے۔ اس پروگرام کو شروع کرنے کے لئے مہاتما گاندھی کے یوم پیدائش یعنی دو اکتوبر کو چنا گیا تھا۔ اس نوعیت کے گذشتہ دو پروگراموں کی طرح اس تیسرے پروگرام کے دوران بھی افسران خود لوگوں کے بیچ جا کر بنیادی سطح پر تعمیر وترقی کے کاموں کا جائزہ لیں گے اور لوگوں کی شکایات و مشکلات کو سن کر ان کو برسر موقع ہی حل کرنے کی کوشش کریں گے۔
یونین ٹریٹری انتظامیہ کے ترجمان روہت کنسل نے اپنے ایک ٹویٹ میں کہا: ‘آج سے “بیک ٹو ولیج” پروگرام کا تیسرا مرحلہ شروع ہو رہا ہے۔
حکام کا کہنا ہے کہ یونین ٹریٹری کے 4290پنچایتوں کے لوگ اس تیسرے مرحلے میں بھی بھرپور حصہ لیں گے
