پہلگام: شہر آفاق پہلگام وادی کشمیر کے معروف ترین سیاحتی مقامات میں ایک منفرد مقام حاصل ہے۔ ہر برس لاکھوں کی تعداد میں مقامی ملکی و غیر ملکی سیاح پہلگام کے دلفریب نظاروں سے لطف اندوز ہوتے ہیں۔اگرچہ سیاح پہلگام کے ،چندن واڑی، بیتاب وادی، وادئے آڑو جیسے خوبصورت جگہوں کی سیرو تفریح پر جاتے ہیں۔تاہم اسرائیلی سیاح سیرو تفریح کے لئے صرف وادئے آڑو کا انتخاب کرتے ہیں۔Israeli's Tourist In Aru valley
اسرائیلی سیاح پہلگام پہنچ کر وادی آڑو کا رخ کرتے ہیں، جبکہ پہلگام کی دیگر خوبصورت مقامات کو یکسر نظر انداز کرتے ہیں اور کئی روز تک وہاں قیام پذیر ہوتے ہیں۔ یہ طور طریقہ اسرائیلی سیاحوں کی ایک روایت کی طرح صدیوں سے چلی رہی ہے۔ سوال یہ ہے کہ اسرائیلی سیاح پہلگام کے وادئے آڑو میں ہی رہنا کیوں پسند کرتے ہیں، اس کے پیچھے کئی وجوہات نظر آرہے ہیں۔Israeli's Tourist Like Aru valley
دراصل اسرائیلی سیاح تنہائی اور خاموشی میں رہنا زیادہ پسند کرتے ہیں، وہیں سستا رہن سہن اور ٹریکنگ کرنا ان کا شوق ہے۔ اس لیے یہ سب چیزیں انہیں وادئے آڑو میں مل جاتی ہیں، یہی وجہ ہے کہ اسرائیلی اس جگہ کا انتخاب کرتے ہیں۔
مقامی لوگوں کا کہنا ہے کہ ملکی و غیر ملکی سیاح پہلگام کے مختلف خوبصورت جگہوں کی سیرو تفریح کے بعد مرکزی پہلگام میں موجود مختلف ہوٹلوں میں قیام کرتے ہیں۔ تاہم اسرائیلی سیاح صرف وادی آڑو کو اپنا مشغلہ بناتے ہیں، جہاں وہ قیام و طعام کے ساتھ ساتھ سیرو تفریح بھی کرتے ہیں۔وادئے آڑو ٹریکنگ کے لئے بھی کافی موزوں جگہ مانی جاتی ہے۔
اسرائیلی سیاح ٹریکنگ کے کافی شوقین ہوتے ہیں وہ یہاں سے، لدروٹ، تار سر مارسر و دیگر مختلف جگہوں کی ٹریکنگ پر جاتے ہی۔ وادی آڑو ہمالیائی پہاڑیوں کے دامن میں واقع شہر کے شور و غل سے دور ایک حسین اور خاموش جگہ ہے، یہی وجہ ہے کہ وادی آڑو خاموشی پسند کرنے والے اسرائیلی سیاحوں کی پسندیدہ جگہ ہے۔Tracking sites in aru valley
مقامی لوگوں کے مطابق اسرائیلی سیاح زیادہ تر جھنک فُوڈ اور سستا کھانا پسند کرتے ہیں اسلئے انہیں وادی آڑو میں رہنے سے کوئی بھی پریشانی نہیں ہوتی ہے، کیونکہ وادی آڑو میں بڑے ہوٹلز یا ریستوران موجود نہیں ہیں اور اسرائیلی سیاحوں کو چھوٹے ڈھابوں پر کھانا کھانے میں کوئی حرج نہیں ہوتا۔Cheap Food in Aru valley
مزید پڑھیں: Aru Pahalgam Lacks Basic Facilities: آرو پہلگام میں بنیادی سہولیات کا فقدان
اسرائیلی سیاحوں کا کہنا ہے کہ وادی آڑو خاموش اور خوبصورت جگہ ہے۔ اس لیے آڑو ان کا پسندیدہ مقام ہے۔ ان کا کہنا ہے کہ یہاں کے لوگ بھی کافی مہمان نواز ہیں جس سے ان کا سفر مزید یادگار بن جاتا ہے۔ سیاحوں کے مطابق آڑو آکر وہ یہاں کی قدرتی خوبصورتی سے بھرپور نظاروں کا لطف لیتے ہیں، اور کئی روز بعد حسین یادوں کے ساتھ واپس اپنے وطن لوٹ جاتے ہیں۔
