اگرچہ یہ ضلع سیاحتی اعتبار سے کافی اہمیت کا حامل ہے، تاہم کورونا وائرس نے ضلع کے شہری و دیہاتی علاقوں کے ساتھ ساتھ یہاں کے صحت افزا مقامات جیسے کوکرناگ، ویری ناگ، اچھہ بل کو اپنے لپیٹ میں لیا ہے، تاہم عالمی شہرت یافتہ سیاحتی مقام پہلگام ابھی کورونا وائرس سے پاک ہے۔
اگرچہ ضلع کے مشہور سیاحتی مقامات جسے کوکرناگ، اچھہ بل میں مہلک کورونا وائرس نے متعدد افراد کو اپنی زد میں لیا ہے، تاہم یہاں کے سیاحتی مقامات میں صرف پہلگام ایک ایسی جگہ بچی ہے جہاں ابھی کورونا کا کوئی بھی کیس سامنے نہیں آیا ہے۔
ضلع انتظامیہ کی جانب سے صحت افزا مقام پہلگام میں ایک قرنطینہ مرکز بھی قائم کیا گیا ہے۔مذکورہ قرنطینہ مرکز میں ملک کی دیگر ریاستوں سے واپس آئے افراد خاص کر طلباء کے لیے مخصوص رکھا گیا ہے۔
انتظامیہ کی جانب سے ایسے تمام تر انتظامات کو یقینی بنایا گیا ہے، جس سے پہلگام کو کورونا وائرس سے محفوظ رکھا جائے۔
