انہوں نے مقامی پنچوں اور سرپنچوں پر الزام عائد کرتے ہوئے کہا کہ علاقے کے لئے جو بھی تعمیراتی کام منظور ہوئے تو انہوں نے بذات خود یہ سارے تعمیراتی کام اپنے ہاتھ میں لئے جبکہ علاقے میں کئی اور پڑھے لکھے افراد بھی بے روزگاری کے شکار ہیں اور انہیں روزگار کے اس موقعے سے بھی محروم رکھا گیا۔
مقامی لوگوں کا مزید کہنا تھا کہ علاقے سے گزرنے والی ایک سڑک کی تعمیر و مرمت بھی کی گئی لیکن اس میں ناقص مٹیریل کا استعمال کیا گیا اور کچھ دن بعد ہی سڑک گڑھوں میں تبدیل ہوگئی اور اس طرح عوامی مشکلات کا ازالہ ہونے کے بجائے اس میں اضافہ ہو گیا۔
مذکورہ علاقے کے لوگ سراپا احتجاج تھے کہ علاقے میں جو بھی ناقص تعمیراتی کام ہوئے ہیں اس کی تحقیقات کر کے کوتاہی برتنے والوں کے خلاف کارروائی کی جائے۔
مذکورہ بے ضابطگیوں کے پیش نظر آج متعلقہ افسران نے علاقے کا دورہ کر کے عوامی مشکلات کو موقعے پر ہی حل کیا۔
متعلقہ افسران نے عوامی وفود سے ملاقات کر کے دیرینہ مسائل کو بھی بغور سنا جس کے بعد متعلقہ افسران کی کار کردگی کو عوامی حلقوں نے سراہا۔
