جنوبی کشمیر میں ضلع اننت ناگ کے بوچھن شانگس میں رابطہ سڑک نہ ہونے کی وجہ سے مقامی لوگوں کو روزانہ گونا گوں دقتوں کا سامنا کرنا پڑ رہا ہے۔
مذکورہ سڑک کو پی ایم جی ایس وائی (PMGSY) کی جانب سے 2006 میں میکڈامائز کیا گیا تھا، تاہم 14سال کا طویل عرصہ گزرنے کے باوجود بھی سڑک کی مرمت کا کام مکمل نہ ہو سکا۔
سڑک کی خستہ حالی کی وجہ سے علاقے کی کثیر آبادی کو کئی طرح کے مشکلات کا سامنا کرنا پرتا ہے۔
مذکورہ سڑک کئی دیہات کے لوگوں کو ملاتی ہے جن میں طور، رانی پورہ اور چھترگل قابل ذکر ہیں۔
سڑک پر گہرے گڑھے بنے ہوئے ہیں جن میں بارش کا پانی جمع ہونے سے راہگیروں کو مختلف تکالیف سے دوچار ہونا پڑ رہا ہے۔ جبکہ خشک موسم میں اٹھنے والے گرد و غبار سے بھی انہیں روزانہ دقتوں کا سامنا کرنا پڑ رہا ہے۔
عوام الناس نے اس معاملے میں گورنر انتظامیہ سے مطالبہ کیا ہے کہ ان کے اس مسئلے کے تئیں توجہ مرکوز کی جائے تاکہ لوگوں کو درپیش مشکلات سے نجات مل سکے۔
