بیک ٹو ولیج پروگرام کی طرز پر مائی ٹاؤن مائی پروگرام کے تحت جموں و کشمیر کے ضلع اننت ناگ کے شہروں کی ترقی کا خاکہ تیار کیا گیا ہے۔
مائی ٹاؤن مائی پروگرام کے تحت افسران عوام سے راست طور پر بات کر سکیں گے اور ان کے مسائل کو سن کر اسے حل کرانے کی کوشش کریں گے۔
اننت ناگ کے ڈی سی کلدیپ کرشن سدھا نے اننت ناگ میں ایک پریس کانفرس کے دوران کہا کہ بیک ٹو ولیج پروگرام میں افسران دیہی علاقوں میں پہنچے تھے اب مائی ٹاؤن مائی پروگرام کے تحت افسران میونسپل کمیٹی اور میونسپل کونسل کے علاقے میں لوگوں سے ان کے مسائل کو سنیں گے اور اس کے حل کی کوشش کی جائے گی۔
انہوں نے کہا کہ معاملے کے متعلق فائنانس ڈپارٹمنٹ نے میونسپل کمیٹی کو پچاس لاکھ اور میونسپل کونسل کو ایک کروڑ روپئے کے بجٹ کو منظوری دے دی ہے۔
واضح ہو کہ اننت ناگ میں کل 9 میونسپل کمیٹی اور ایک میونسپل کونسل ہے۔
ڈی سی نے کہا کہ یہ بجٹ کسی خاص کام کے لئے مختص نہیں ہے بلکہ اس کا استعمال عوام کو سہولیات پہنچانے کے لئے کیا جائے گا۔
انہوں نے کہا کہ بیک ٹو ولیج پروگرام کے دوران نوجوانوں کو اسپورٹس کیٹس فراہم کیا گیا تھا، اب مائی ٹاؤن مائی پروگرام کے تحت بھی اسپورٹس کیٹس فراہم کیا جائے گا۔
انہوں نے کہا کہ پروگرام کے متعلق تمام آفیسران کو ہدایت دے دی گئی ہے اور تمام طرح کی تیاریاں مکمل کر لی گئی ہیں۔
