جنوبی کشمیر کے ضلع اننت ناگ کے ہلڑ علاقے میں جمعہ کی صبح نالہ برنگی میں کام کر رہے مزدوروں نے باجری اکھاڑنے کے دوران ایک زندہ مارٹر شیل برآمد کیا، جس کے بعد انہوں نے پاس میں ہی قائم 164 بٹالین سی آر پی ایف کیمپ کو مطلع کیا۔ اس کے فوراً بعد اس علاقے کو لوگوں اور گاڑیوں کی آمد و رفت کے لئے بند کر دیا گیا اور بم ڈسپوزل اسکواڈ کو بلا کر ناکارہ بنا دیا گیا۔
زندہ مارٹر شیل فیوز کیا گیا
نامہ نگاروں کے ساتھ بات کرتے ہوئے کمانڈنگ آفیسر سی آر پی ایف 164 بٹالین برج لال نے کہا کہ 'ہم نے اس کو ناکارہ بنا کر ایک بہت بڑے حادثے کو ٹال دیا، اگر وقت پر اس کو ناکارہ نہ بنایا جاتا تو اس علاقے میں بہت بڑا حادثہ ہو سکتا تھا۔'
