'افرادی قوت فراہم کی جائے تاکہ اینٹ بٹھوں میں سرگرمیاں بحال ہو'

برک کلن ایسوسی ایشن کا کہنا ہے کہ مزدوروں کی کمی ان کے لئے ایک سنگین مسئلہ بنا ہوا ہے۔

جموں و کشمیر کے ضلع اننت ناگ میں ساؤتھ کشمیر برک کلن ایسوسی ایشن نے لیفٹننٹ گورنر جی سی مرمو سے اپیل کی ہے کہ ان کے کارخانوں میں کام کاج کو بحال کرنے کے لئے انہیں افرادی قوت فراہم کی جائے تاکہ اینٹ بٹھوں میں سرگرمیوں کا آغاز ہو سکے۔

اننت ناگ میں منعقدہ ایک اجلاس کے دوران ایسوسی ایشن کے ممبران نے کہا کہ لاک ڈاؤن کی وجہ سے ان کا کاروبار پوری طرح سے متاثر ہوا ہے۔

جبکہ مزدوروں کی کمی ایک سنگین مسئلہ بنا ہوا ہے۔ ایسوسی ایشن نے انتظامیہ سے مطالبہ کیا ہے کہ اینٹ کی صنعت کے لئے درکار غیر ریاستی مزدوروں کو وادی آنے کی اجازت دی جائے۔