Bear Attack In Verinag ویری ناگ میں ریچھ کے حملے میں شہری زخمی

وادی کشمیر میں ان دنوں جنگلی جانوروں کے حملوں میں اضافہ دیکھا جارہا ہے۔ جنگلی جانوروں کے حملوں سے کئی افراد نے اپنی جان گواں دی جبکہ کئی افراد ہسپتال میں زیر علاج ہے۔

ویری ناگ ( اننت ناگ):جنوبی کشمیر کے ضلع اننت ناگ کے ویری ناگ علاقہ میں جنگلی جانوروں نے کئی دنوں سے لوگوں کا جینا محال کر رکھا ہے۔ ریچھ نے جمعرات کے روز ویری ناگ علاقے میں ایک مقامی شہری پر حملہ کرکے شدید زخمی کر دیا۔

اطلاعات کے مطابق مطابق ویری ناگ میں جمعرات کے روز اس وقت سراسیمگی دوڑ گئی جب ایک ریچھ نے مقامی شہری پر حملہ کرکے اس کو لہولہان کیا۔
معلوم ہوا ہے کہ چیخ وپکار کی صدائیں بلند ہونے کے ساتھ ہی آس پاس موجود لوگ جائے موقع پر پہنچے اور زخمی شہری جس کی شناخت غلام رسول راتھر کے بطور ہوئی ہے کو ہسپتال منتقل کیا جہاں سے اس کو مزید علاج ومعالجہ کی خاطر گورنمنٹ میڈیکل کالج اننت ناگ ریفر کیا گیا۔
وہیں ویری ناگ کے پولیس چوکی افسر فیصل احمد خاں نے ای ٹی وی بھارت سے بات کرتے ہوئے کہا کہ مقامی شخص غلام رسول راتھر ولد حبیب اللہ راتھر جن کی عمر پچاس سال ہیں کو ریچھ نے بری طرح زخمی کردیا۔ اسے فوراً مقامی لوگوں نے پی ایچ سی ویری ناگ ہسپتال منتقل کیا گیا۔ جہاں ابتدائی مرہم پٹی کے بعد اسے مزید علاج کے لیے جی ایم سی اننت ناگ منتقل کیا گیا۔

واجھ رہے کہ اس سے پہلے بھی اس علاقہ میں جنگلی جانوروں نے کئی بار مقامی آبادی کی طرف رُخ کیا جس کے بعد گاؤں میں خوف کا ماحول پیدا ہوا تھا۔ مقامی لوگوں نے ضلع انتظامیہ اور محکمہ وائلڈ لائف سے جنگلی جانوروں کے لیے موثر اقدامات اٹھانے کی اپیل کی۔