اننت ناگ میں آج تیسرے روز بھی لاک ڈاؤن

ضلع مجسٹریٹ اننت ناگ کلدیپ کرشن سدھا کی طرف سے جاری اس حکمنامے میں کہا گیا ہے کہ پورے ضلع میں 21 سے 23 اگست تک پابندیاں نافذ رہیں گی۔

کوروناوائرس سے متاثرین میں نمایاں اضافے اور ایس او پیز نہ عملانے کے پیش نظر جنوبی کشمیر کے ضلع اننت ناگ میں جمعہ سے تین دنوں کے لئے ایک بار پھر لاک ڈاؤن کا نفاذ عمل میں لایا گیا۔

آج تیسرے روز بھی قصبہ کی تمام دکانیں بند رہیں۔ جبکہ آج ضلع صدر مقام و دیگر اہم قصبہ جات کو جانے والے تمام راستوں پر پولیس و فورسز نے خصوصی ناکے قائم کر کے ٹریفک کی نقل و حمل محدود کر دی۔

واضح رہے کہ ضلع مجسٹریٹ اننت ناگ کلدیپ کرشن سدھا کی طرف سے جاری اس حکمنامے میں کہا گیا ہے کہ پورے ضلع میں 21 سے 23 اگست تک پابندیاں نافذ رہیں گی۔اگرچہ پبلک ٹرانسپورٹ کو چلنے کی اجازت نہیں دی گئی تاہم پرائیویٹ گاڑیاں سڑکوں پر چلتی نظر آئیں۔