بجبہاڑہ میں عوام اے ٹی ایم اور بنک سے محروم

حکومت ڈیجیٹل انڈیا کی بات کرتی ہے اور ملک کی ترقی کے دعوے کرتی ہے لیکن ملک میں آج بھی کئی علاقے ایسے ہیں جہاں لوگ ڈیجیٹل دور میں بھی بینک جیسی سہولیتات سے محروم ہیں۔

جموں کشمیر کے بجبہاڑہ میں قائم نمبل علاقہ کے کئی ہزار لوگ دور جدید میں بھی بینک برانچ اور اے ٹی ایم سے محروم ہے۔

مقامی لوگوں نے ای ٹی وی بھارت کو بتایا کہ بنک برانچ اور اے ٹی ایم نہ ہونے سے انہیں سخت مشکلات درپیش ہیں اور اس سلسلے میں عوامی کی بات کوئی سنتا ہی نہیں۔

انہوں نے کہا کہ کورونا کے اس دور میں انہیں کئی کلو میٹر کی مسافت طے کرکے ینک کے لئے جانا پڑتا ہے اوراگر ایمرجنسی میں پیسوں کی ضرورت ہو تو اسے سخت ترین مشکلات کا سامنا کرنا پڑتا ہے۔

مقامی لوگوں نے بتایا کہ علاقہ کی آبادی تقریباً بیس ہزار ہے، علاقہ کی عورتیں، بچے، اور خاص طور پر بزرگوں کو پیسہ حاصل کرنے کے لئے کافی مشکلات کا سامنا کرنا پڑتا ہے۔

مقامی لوگوں کا کہنا ہے کہ بینک حکام اور ضلع انتظامیہ اس بارے میں خاموشی اختیار کیے ہوئے ہیں
ای ٹی وی بھارت کے نمائندے نے جب فون پر یہ مسئلہ جے کے بینک چیرمین کے اسپیشل سیکرٹری کی نوٹس میں لایا، تو انہوں نے کہا کہ گورنمنٹ اور ریزرو بینک آف انڈیا کی جانب سے ایسے علاقوں کو بینکنگ کی سہولیت پہنچانے کی غرض سے مختلف اقسام کی پالیسی تشکیل دی جا رہی ہے۔

انہوں نے کہا کہ محکمہ کے افیسران مزکورہ علاقہ کا جائزہ لے کر وہاں پر فیزیبل رپوٹ تیار کرِیں تاکہ اس علاقہ میں بینک کی شاخ کا قیام عمل میں لایا جائے۔

جس سے لوگوں کی مشکلات کاحل ممکن ہو سکے۔