میونسپل کونسل اننت ناگ کے صدر ہلال احمد شاہ نے ایل جی گریش چندر مرمو کے اننت ناگ دورے کو کافی سود مند قرار دیتے ہوئے ان کا شکریہ ادا کیا ہے۔
اننت ناگ میں نامہ نگاروں سے بات کرتے ہوئے ہلال شاہ نے کہا کہ ایل جی کی جانب سے اننت ناگ میں تعمیراتی و ترقیاتی پروجیکٹوں کے افتتاح کے علاؤہ کئی نئے پروجیکٹوں کو بھی منظوری ملی ہے۔ جس میں منی سکریٹریٹ، میریج ہال کی تعمیر و سالڈ ویسٹ سیگریگیشن پلانٹ اور بیوٹیفیکیشن آف اننت ناگ جیسے پروجیکٹ شامل ہیں۔
ہلال شاہ نے جنوبی کشمیر کے زچہ بچہ اسپتال کی رحمت عالم ہسپتال میں منتقلی کو بھی ایل جی کا ایک اہم فیصلہ قرار دیا
بتا دیں کہ دو روز قبل لیفٹیننٹ گورنر گریش چندر مرمو نے اننت ناگ کا دورہ کرکے مختلف وفود اور عوامی نمائندوں سے بات چیت کی.
لیفٹیننٹ گورنر نے ضلع دورے کے دوران 1113 کروڑ روپے کے 12 ترقیاتی منصوبوں کا افتتاح بھی کیا اور مختلف منصوبوں کے سنگ بنیاد رکھی۔
