درگاہ حضرتبل کھرم کا شمار ایسے ہی درگاہوں میں ہوتا ہے۔یہ درگاہ ضلع صدر مقام اننت ناگ سے تقریباً پچیس کلو میٹر دور کھرم گاؤں کے وسط میں موجود ہے.
درگاہ حضرتبل کھرم نہ صرف عقیدت کا ممبا ہے بلکہ مذہبی ہم آہنگی و آپسی بھائی چارے کا ایک نمونہ بھی ہے۔یہی وجہ ہے کہ لوگ من کی مراد پانے کے لیے بلا تفریق مذہب و ملت اس درگاہ پر حاضری دیتے ہیں۔
اس درگاہ پر نہ صرف مسلمان بلکہ غیر مسلم بھی حاضری دے کر اپنی عقیدت کا اظہار کرتے ہیں۔
عید میلاد النبی(صلی اللہ علیہ و سلم) اور معراج عالم جسے بڑے دنوں کے موقعہ پر درگاہ پر شب خوانی کے ساتھ ساتھ ختمات المعظمات درود و ازکار اور خاص دعاؤں کی روح پرور تقریبات کا اہتمام کیا جاتا ہے، جس دوران موئے مقدس و دیگر کئی تبرکات کی نشاندہی کی جاتی ہے اور جموں و کشمیر کے مختلف حصوں سے آئے ہزاروں عقیدت مند ان تبرکات کے دیدار سے فیضیاب ہو جاتے ہیں۔
عقیدت مند درگاہ پر حاضری دے کر نہ صرف منتیں مانگتے ہیں بلکہ نذرو نیاز اور خیرات پیش کرکے بارگاہ میں اپنی عقیدت کا اظہار کرتے ہیں۔
کہا جاتا ہے کہ اس درگاہ کی سنگ بنیاد 1365 ہجری میں رکھی گئی ہے تب سے موئے مقدس و دیگر تبرکات کی فوقیت و عظمت سے لوگ جلوہ گر ہو رہے ہیں، تاہم وقت کے ساتھ ساتھ زائرین کی بڑھتی تعداد کے مد نظر سنہ 1988 میں درگاہ کی دوسری نئی عمارت تعمیر کی گئی، جس کے گنبد پر سونے کی تہہ چڑھائی گئی ہے۔
درگاہ کےصحن میں ایک قدرتی چشمہ بھی موجود ہے،عقیدت مندوں کا ماننا ہے کہ اس قدرتی چشمہ کے پانی سے نہانے کے بعد جِلد (اسکن) کی بیماریاں ٹھیک ہو جاتی ہے، وہیں اس پانی کو معدے اور نظام ہاضمہ کے لیے بھی مفید تصور کیاجاتا ہے، یہی وجہ ہے کہ اس چشمہ کو آب شفاء کا نام دیا گیا ہے۔
