پہلگام: کشمیر کو پرندوں کی شاندار حیاتیاتی تنوع سے نوازا گیا ہے۔ وادی کشمیر کا ہر خوبصورت پہلو دنیا کے سامنے بظاہر ہے۔ لیکن یہاں کے پرندوں کے بارے میں شاید بہت کم لوگ معلومات رکھتے ہیں۔ جموں کشمیر کے پرندوں کو یہاں کی سیاحت میں شامل کرنے کی ایک پہل کے تحت محکمہ سیاحت اور سینکوری نیچر فاؤنڈیشن کے اشتراک سے پہلگام اننت ناگ میں برڈ فیسٹیول کا انعقاد کیا گیا۔JK Bird Festival 2022
پہلگام کی حسین وادیوں سے لیکر پامپور کے زعفرانی کھیتوں میں اس فیسٹیول کے دوران پرندوں کی منفرد شناخت کو ظاہر کرنے کی کوشش کی جا رہی ہے اب یہ پرندے جموں و کشمیر کے سیاحتی نقشے میں چار چاند لگائیں گے۔ برڈ فیسٹیول کا مقصد قدرتی ورثے کو زائرین اور مقامی لوگوں کے ساتھ بانٹنا اور علاقے کے لیے روزی روٹی کے مواقع پیدا کرنا تھا۔ Bird Festival In Pahalgam
اس موقع پر ایڈمنسٹریٹو سکریٹری ٹورازم و کلچر سرمد حفیظ نے کہا کہ آج محکمہ نے سینکوری نیچر فاؤنڈیشن کے ساتھ مل کر جموں و کشمیر میں پائے جانے والے پرندوں کے بارے میں بیداری پیدا کرنے سے متعلق اس طرح کی تقریبات کا اہتمام کیا ہے اس موقع پر سیاحت سے وابستہ طلبا کو اس میں مدعو کیا گیا۔ اور آنے والے دنوں میں وادی کے دیگر علاقوں میں بھی اسی طرز کے پروگرامز کا انعقاد کیا جائے گا۔ JK Bird Festival 2022
