اننت ناگ کا ہانجی دانتر علاقہ کنٹینمنٹ زون قرار

ضلع انتظامیہ نے عوام الناس سے اپیل کی ہے کہ وہ سختی کے ساتھ ایس او پیز پر عمل کریں۔ انتظامیہ نے لوگوں سے یہ بھی درخواست کی ہے کہ وہ بلا ضرورت گھروں سے باہر نہ نکلیں۔

مہلک عالمی وبا کورونا وائرس کی دوسری لہر کی شدت اور مثبت کیسوں میں اضافہ کے پیش نظر ضلع انتظامیہ اننت ناگ نے ہانجی دانتر علاقہ کو کنٹینمنٹ زون قرار دیا ہے۔

علاقہ کے لوگوں سے تاکید کی گئی ہے کہ وہ واضح کردہ ایس او پیز پر ہر حال میں عمل کریں۔

ضلع انتظامیہ کی جانب سے علاقہ کو کنٹینمنٹ زون قرار دے کر وہاں بندشیں عائد کی گئی ہیں جبکہ لوگوں سے ایس او پیز پر عملدر آمد کرنے کی اپیل کی گئی۔

ضلع انتظامیہ نے عوام الناس سے اپیل کی ہے کہ وہ سختی کے ساتھ ایس او پیز پر عمل کریں۔ انتظامیہ نے لوگوں سے یہ بھی درخواست کی ہے کہ وہ بلا ضرورت گھروں سے باہر نہ نکلیں۔

واضح رہے کہ چند روز قبل انتظامیہ کی جانب سے ضلع کے چھ علاقوں کو کنٹینمنت زون قرار دیا گیا تھا۔ اُن علاقوں میں حلقہ شانگس کے سانبرونہ اور نوگام، حلقہ اچھہ بل کا مومن آباد، قاضی باغ، دیوہ کالونی، ویری ناگ لوکہ بھون، کھرم بجبہاڑہ شامل ہیں۔