Bakerwal Migration in Kashmir: وادی میں گھاس کی شدید قلت سے بکروال پریشان

جموں و کشمیر میں لمبے عرصہ سے بارش نہ ہونے سے قبائلی طبقہ سے تعلق رکھنے والے گجر بکروالوں نے رواں برس قبل ازوقت مال مویشیوں سمیت جموں سے کشمیر کی جانب نقل مکانی شروع کی ہےBakerwal Migration in Kashmir۔تاہم کشمیر میں بھی بارش نہ ہونے سے چرائوں اور کوہساروں میں گھاس کی کمی کو دیکھ کر خانہ بدوش رنجیدہ ہوئے ہیں۔Deficit Rainfall In Kashmir

اننت ناگ:جموں و کشمیر میں لمبے عرصہ سے بارشیں نہ ہونے سے قبائلی طبقہ سے تعلق رکھنے والے گجر بکروالوں نے رواں برس قبل ازوقت مال مویشیوں سمیت جموں سے کشمیر کی جانب نقل مکانی شروع کی ہے۔Bakerwal Migration in Kashmirگجر بکروالوں کا کہنا ہے کہ طویل عرصہ سے بارشیں نہ ہونے کے سبب سرمائی دارالحکومت جموں میں تازہ اور سرسبز گھاس کی شدید قلت پیدا ہوگئی، جس کی وجہ سے انہوں نے رواں برس قبل ازوقت کشمیر کی جانب مائگریشن شروع کی، تاکہ ان کے مویشیوں کو سر سبز و تازہ گھاس فراہم ہو سکے۔Shortage Of Green Grass In Kashmir

خانہ بدوشوں کا کہنا ہے کہ رواں برس درجہ حرارت میں نمایاں اضافہ اور بارشیں نہ ہونے کے باعث وادی کے جنگلات میں بھی تازہ گھاس کی شدید قلت دیکھنے کو مل رہی ہے۔ بکروالوں کا کہنا ہے کہ وہ سینکڑوں میل مسافت طے کر کے کشمیر کے مختلف علاقوں میں اپنے مویشیوں کو چرانے کے لیے آئے تھے، تاہم کاہ چرائوں اور کوہساروں میں گھاس کی کمی دیکھ کر وہ کافی رنجیدہ ہو گئے۔وہیں گرمی بڑھنے کی وجہ سے ان کے مال مویشیوں کے ہلاک ہونے کا خطرہ لاحق ہے جو اس طبقہ کی آمدنی کا واحد ذریعہ ہے۔خانہ بدوشوں نے کہا کہ مائگریشن کے دوران بھی انہیں سخت مشکلات سے گزرنا پڑتا ہے، جموں و کشمیر کی جانب سے ان کے لیے شیڈس بھی تعمیر نہیں کیے گئے ہیں اور نہ ہی انیمل ہسبنڈری کی جانب سے مویشیوں کے لیے ادوایات کی سہولیات بہم رکھی گی ہے۔

بکروالوں کا کہنا ہے کہ انتظامیہ کی جانب سے ہر سال مال مویشییوں کے لیے میڈیکل کیمپس منعقد ہوتے تھے تاہم رواں برس کوئی بھی کیمپ قائم نہیں کیا گیا تھا جس کی وجہ سے انہیں اپنے مویشیوں کے لیے مارکیٹ سے مہنگے داموں میں ادویات خریدنے پڑتے ہیں۔خانہ بدوشوں نے انتظامیہ سے انہیں بنیادی سہولیات بہم رکھنے کی اپیل کی تاکہ انہیں مشکلات سے دوچار نہ ہونے پڑے۔