گورنمنٹ میڈیکل کالج اننت ناگ کی جانب سے کالج کا پہلا میگزین ’’میڈکولانگ‘‘ جاری کیا گیا، میگزین کی رسم اجرائی فائنانشل کمشنر ہیلتھ اینڈ میڈیکل ایجوکیشن اٹل ڈلو نے انجام دی۔
اس موقع پر میڈیکل کالج کے پرنسپل ڈاکٹر شوکت جیلانی کے علاوہ کئی عہدیدار بھی رسم اجرائی کی تقریب میں موجود تھے۔
گورنمنٹ میڈیکل کالج اننت ناگ پہلا ایسا انسٹی ٹیوٹ ہے جس نے اپنی نوعیت کے پہلے میگزین کی اشاعت قلیل وقت میں کی جس پر انسٹی ٹیوٹ عملہ کی سراہنا کی گئی۔
جی ایم سی اننت ناگ کے پرنسپل ڈاکٹر شوکت جیلانی نے جی ایم سی کے فیکلٹی ممبران، ڈاکٹرس اور تمام اسٹاف ممبران، جن کا تعلق بالواسطہ یا بلاواسطہ طور میگزین کو تیار کرنے کے ساتھ رہا، کا شکریہ ادا کیا۔
انہوں نے کہا کہ ’’جی ایم سی کا عملہ میڈیکل کالج کی تعمیر و ترقی کے لیے ایمانداری اور لگن سے اپنے فرائض انجام دے رہا ہے اور ان کی کاوشوں سے جی ایم سی دن دگنی رات چوگنی ترقی کی اور گامزن ہو رہا ہے۔‘‘
