جنوبی کشمیر کے ضلع اننت ناگ میں واقع کوکرناگ کے گڈول علاقہ کے جنگل میں آج شام دیر گئے اچانک آگ لگ گئی۔ خشک سالی کی وجہ سے جنگلوں میں لگنے والی آگ سے جنگلی پیڑوں کو شدید نقصان پہنچا ہے۔
تفصیلات کے مطابق کوکرناگ کے گڈول علاقہ کے جنگلات اراضی کمپارٹمنٹ نمبر 98 میں آج شام اچانک آگ لگ گئی، جس نے آناً فانًا جنگل کے درختوں کو اپنی زد میں لیا۔
یہ بھی پڑھیں: 'کشمیری ثقافت اور فنکاروں کے لیے بہت کچھ کرنا ہے'
سرکاری ذرائع کے مطابق گڈول کوکرناگ کے کمپاٹمینٹ نمبر 98 میں اچانک آگ لگ گئی جس سے جنگلات کے ایک وسیع حصے کو نقصان پہنچا ہے۔ اس دوران آگ پر قابو پانے کے لئے محکمہ جنگلات، فائر اینڈ امرجینسی، فوج اور مقامی لوگ آگ کو بجھانے میں مصروف ہیں۔
مزید تفصیلات کا انتظار ہے۔
