اننت ناگ: لاپتہ شخص کے اہل خانہ کی فریاد

جنوبی کشمیر کے ڈورو، اننت ناگ میں لاپتہ نوجوان کے اہل خانہ نے ان سے واپس لوٹنے کی اپیل کی ہے۔

ضلع اننت ناگ کے ڈورو، نتھی پورہ سے دو کمسن بچوں کا باپ لاپتہ ہوگیا ہے، اس ضمن میں ان کے اہل خانہ نے انہیں گھر واپس آنے کی اپیل کی ہے۔

اہل خانہ کے مطابق وہ 8 اگست سے لاپتہ ہے۔ انہوں نے کہا: ’’وہ مغرب کی نماز ادا کرنے کے لیے گھر سے نکلا اور واپس نہیں لوٹا، تب سے اس کا موبائل بند ہے۔‘‘

اس ضمن میں انہوں نے پولیس اسٹیشن ڈورو میں گمشدگی کی رپورٹ بھی درج کی ہے۔

گمشدہ شخص پیر الطاف حسین کے والدین اور اہلیہ نے روتے بلکتے الطاف سے گھر واپس لوٹنے کی اپیل کی ہے۔

واضح رہے کہ اس سے قبل بھی وا گنڈ، ڈورو سے بیس سالہ یاسر احمد وانی کی بھی گمشدگی کے بارے میں اس کی ماں نے ایک ویڈیو جاری کرتے ہوئے یاسر سے گھر واپس آنے کے لئے اپیل کی تھی۔