اننت ناگ: بجبہاڑہ میں تصادم ختم، دو عسکریت پسند ہلاک

فوج اور عسکریت پسندوں کے مابین ہوئے تصادم میں دو عسکریت پسندوں کو ہلاک کیا گیا ہے۔ ادھر ضلع میں انٹرنیٹ خدمات کو معطل کر دیا گیا ہے اور بجبہاڑہ میں کئی جگہوں پر پتھراؤ کی بھی اطلاع موصول ہوئی ہے۔

جنوبی کشمیر کے ضلع اننت ناگ کے سمتھن بجبہاڑہ میں سکیورٹی فورسز اور عسکریت پسندوں کے مابین آج صبح پھر سے گولیوں کا تبادلہ شروع ہوا تھا۔

ذرائع سےموصولہ اطلاع کے مطابق گزشتہ روز عسکریت پسندوں کی موجودگی کی خفیہ اطلاع ملنے پر فورسز نے سیمتھن علاقے کو محاصرے میں لیا تھا اور تلاشی کارروائی شروع کی تھی۔

تلاشی مہم کے دوران چھپے ہوئے عسکریت پسندوں نے فورسز پر فائرنگ کی جس کے بعد انکاؤنٹر شروع ہوا اور دونوں طرف سے فائرنگ کا تبادلہ ہوا جو دیر رات تک جاری رہا۔

گزشتہ شام اندھیرا ہونے کی وجہ سے فوج نے یہ آپریشن روک دیا تھا جبکہ آج علی الصبح گولیوں کا تبادلہ پھر سے شروع ہوا جس دوران دو عسکریت پسندوں کو ہلاک کیا گیا۔